സ്വതന്ത്ര ചിന്ത

ഞാനെപ്പോഴും ചിന്തിക്കുന്ന  ഒരു കാര്യം ആണ് ഈ ചിരി.  നമ്മളിൽ പലരും വിചാരിക്കുന്ന പോലെ  അത്ര നിസ്സാരമായ ഒരു സംഭവം അല്ല ഈ ചിരി. ആരെയെങ്കിലും കാണിക്കാൻ അല്ലെങ്കിൽ നമ്മളെ തന്നെ ഒന്ന് presentable ആക്കാൻ ചുണ്ടിൽ വരുത്തേണ്ട ഒന്നല്ല യഥാർത്ഥത്തിൽ ചിരി.  അത് വരേണ്ടത്, കാണേണ്ടത് മനസിലാണ്. ഈ കാണുമ്പോ ചിരിക്കുക, അല്ലെങ്കിൽ പരിചയപെടുമ്പോ ചിരിക്കുക ഇതിലൊന്നും വലിയ കാര്യമുള്ളതായി എനിക്ക് തോന്നിയിട്ടില്ല.  എന്ന് വെച്ച് അതൊന്നും വേണ്ട എന്നല്ല. ചിരി എത്ര ഉണ്ടായാലും ചിരിക്കുന്ന ആൾക്ക് നല്ലതാണെന്നു കേട്ടിട്ടുണ്ട്. പക്ഷെ നമ്മളൊക്കെ ചിരിക്കുന്നത് എപ്പോഴും നമ്മുടെ നല്ലതിന് വേണ്ടിയാണോ? എന്നെ സംബന്ധിച്ചെടുത്തോളം മറ്റുള്ളവരുടെ സന്തോഷം ആണ് ഞാൻ കാണുന്ന പല ചിരിയുടെയും യഥാർത്ഥ ലക്‌ഷ്യം. പക്ഷെ ചിലതെങ്കിലും ആ ലക്‌ഷ്യം കാണാത്തതു ആ ചിരികൾ ചുണ്ടിൽ മാത്രം ആയി പോവുന്നു എന്നത് കൊണ്ടാണ്... നമ്മൾ കാണുന്ന പല സിനിമകളിലെയും നര്മ്മരംഗങ്ങൾ മാത്രം എപ്പോഴും ഓർമയിൽ നില്കുന്നത് അതോർത്തു നമ്മൾ വീണ്ടും വീണ്ടും ചിരിക്കുന്നതും അവ നമ്മളെ സ്പർശിച്ചത് ചുണ്ടിലല്ല മറിച്ചു നമ്മൾ അവയെ സ്വീകരിച്ചത് ഹൃദയം ക...

"അതെ ഞാൻ വട്ടനാണ് ", ഉറക്കെ വിളിച്ച് പറഞ്ഞ് കൊണ്ട് അവൻ തിരിച്ച് ആ കനം കുറഞ്ഞ മരച്ചില്ലയിലേക്ക് നടന്നു. അവന്റെ നടത്തത്തിനനുസരിച്ച് അത് കുലുങ്ങാൻ തുടങ്ങി. മറ്റു കുരങ്ങന്മാർ കേറാത്ത ഉയരത്തിലാണ് തനിക്ക് ഏറ്റവും പ്രിയപ്പെട്ട ഈ മരച്ചില്ല. അവർ ചിന്തിക്കുന്നത് പോലെ ചിന്തിക്കാൻ അവന് ഒരിക്കലും കഴിഞ്ഞില്ല. പഴങ്ങൾ പറിച്ചുതിന്നാനും മറ്റു കുരങ്ങന്മാരുടെ തല മാന്താനും അവൻ പോവാറില്ല. കിട്ടിയത് കഴിച്ചു, അവൻ എപ്പോഴും ഈ കൊമ്പിലിരിപ്പാണ്. ആ കൊമ്പിലിരുന്നാൽ അപ്പുറത്ത് വെളുത്ത കമ്പളത്തിൽ സ്വയം പൊതിഞ്ഞ ഒരു ഗജരാജനെ പോലെ ആ വൻ മല. അവൻ അവിടേക്ക് നോക്കി ഒരുപാട് സമയം കളഞ്ഞു. ആ മലക്കും അപ്പുറത്ത് പറന്ന് പൊങ്ങുന്ന ഒരു പരുന്താണ് എന്നും അവനിൽ കൗതുകം ഉണർത്തിയത്. അത് മുകളിലോട്ടും താഴോട്ടും ഊളിയിടുന്നത് കൊതിയോടെ അവൻ നോക്കി നിന്നു. അതിന്റെ ചിറകുകൾ തനിക്ക് ലഭിച്ചിരുന്നെങ്കിൽ എന്ന്, വള്ളിപടർപ്പുകളില്ലാതെ അങ്ങനെ പറക്കാൻ കഴിഞ്ഞിരുന്നെങ്കിൽ എന്ന് അവൻ ആശിച്ചു. തന്റെ വട്ടിന്റെ മറ്റൊരു കാരണം അവൻ കഴിഞ്ഞ ദിവസം തിരിച്ചറിഞ്ഞു . മറ്റു കുരങ്ങുകളെ പോലെയല്ല, അവന് വള്ളി പടർപ്പുകൾ ഭയമാണ്. അതിനകത്താണ് അവൻ കിടന്നുറ...

മുണ്ടിന്റെ തുമ്പ് ചേർത്ത് പിടിച്ച, അച്ഛന്റെ കൈയിൽ കൈകോർത്തു നടന്ന കാലം മുതൽ... അതും കഴിഞ്ഞ് പിന്നീട് ഓട്ട ട്രൗസർ ഇട്ട ഓടിനടന്ന കാലത്തും, കോളേജു കാമ്പസ്സിന്റെ ഓഡിറ്റോറിയത്തിലെ പ്രസംഗ പീoത്തിലും നാം ഒരുപാട് വട്ടം കേട്ടതാണിത്. " ഇവർ നാളത്തെ പൗരന്മാരാണ്, നാളെ ഈ നാടിനെ നയിക്കേണ്ടവരാണ്" യൗവ്വനത്തെ, അവരുടെ വീക്ഷണങ്ങളെ എന്നും ചൊറിയുന്ന, പുച്ഛിക്കുന്ന ഒരു സമൂഹത്തിലാണ്, ഈ വാക്കുകളിൽ മാത്രം ഒതുങ്ങുന്ന യൗവ്വനസ്നേഹം. ഈ നാടിനെ നയിക്കാൻ പോയിട്ട്, തന്റെ അഭിപ്രായത്തെ വ്യക്തമാക്കാൻ പോലും ഒരു യുവാവിനോ/ യുവതിക്കോ ഇന്ന് ഈ രാജ്യത്ത് കഴിയുന്നില്ല. പൂന്നെ ഫിലിം ഇൻസ്റ്റിറ്റ്യൂട്ട്, ജവഹർലാൽ നെഹ്റു യൂണിവേർസിറ്റി, തുടങ്ങി നമ്മുടെ കോഴിക്കോട് കോളേജിൽ വരെ യുവത്വത്തിന് നേരെ, അവരുടെ സ്വതന്ത്രമായ അഭിപ്രായ പ്രകടനങ്ങൾക്കുനേരെ നടന്നുകൊണ്ടിരിക്കുന്ന അതിക്രമങ്ങൾ നാം കാണുന്നു, അറിയുന്നു. ചില ചായ സൽക്കാരങ്ങളിലെങ്കിലും, കാര്യങ്ങളുടെ സത്യാവസ്ഥ തിരിച്ചറിയാതെ, തിരിച്ചറിയാൻ ശ്രമിക്കാതെയുള്ള ചില അഭിപ്രായ പ്രകടനങ്ങളും കണ്ടു. ചെറുപ്പക്കാരുടെ തെറ്റുതിരുത്താൻ എന്നതുപോലെ തന്നെ അവരുടെ നന്മകൾ തിരിച്ചറിയാനും, വേണ്ട പ...

പലപ്പോഴായി പലരിലും ഭീതി ഉളവാക്കുന്നൊരു വാക്ക്, ഒരു പ്രതിഭാസം - അങ്ങനേയാണ് എന്റെ മനസ്സിലേക്കുള്ള വിധി എന്ന വാക്കിന്റെ രംഗപ്രവേശം. സൃഷ്ടാവ് മനുഷ്യരുടെയും സകല ജീവജാലങ്ങളുടെയും കാലേകൂട്ടി രചിച്ചൊരു തിരകഥയായിട്ടാണ് വിധിയെ ഉപമിക്കാൻ നമ്മൾ പൊതുവെ ശ്രമിക്കാറ്. ജനനം മുതൽക്ക് മരണം വരേയുള്ള നമ്മുടെ ജീവിതം നേരത്തെ തന്നെ എഴുതപ്പെട്ട് കഴിഞ്ഞു എന്ന ആശയത്തിന്റെ പ്രഭാവം നമ്മുടെ ജീവിതത്തിലുടനീളം നമ്മളെ പിൻതുടർന്ന് വരുന്നു. കുറച്ചു ദിവസമായി മനസ്സിൽ  കിടന്നു പുകയുന്നൊരു ആശയമാണിത്. എല്ലാവരോടും പറയണമെന്ന് തോന്നി. ഇത് ഒരു പക്ഷെ എന്റെ വ്യക്തിപരമായ ചിന്തയായിരിക്കാം. എങ്കിലും ഇത് വായിച്ച്‌ നിങ്ങൾക്ക്  ഏതെങ്കിലും രീതിയിൽ അതൊരു പ്രചോദനം നൽകുന്നുണ്ടെങ്കിൽ സന്തോഷം. ജീവിതത്തിൽ മുന്നോട്ടു നീങ്ങുന്നതിനു ഒരു വലിയ തടങ്കൽപ്പടിയായി മാറാറുണ്ട് വിധിയുടെ സ്വാധീനം. നമ്മൾ ദിനംപ്രതി കണ്ടുമുട്ടുന്ന പലരും ഇത് ശരിവെക്കുന്നവരാന്. "ഇത്രയേയുള്ളു എന്റെ ജീവിതം", "അതാണ് എന്റെ വിധി" ഇത് നമ്മൾ പലരിൽ നിന്നും കേട്ടിട്ടുണ്ടാവും. എന്തിനു, നമ്മൾ തന്നെ ചില സാഹചര്യങ്ങളിൽ ചിന്തിച്ചു പോകുന്ന കാര്യങ്ങളാണിവ. ശരിക്...

 'ദൃശ്യം' മനുഷ്യനെ എന്നും ആകർഷിക്കാൻ പ്രത്യേക കഴിവുള്ള ഒന്നാണ്. കാര്യം പറയുമ്പോൾ മറ്റേതൊരു ഇന്ദ്രീയത്തിനെ പോലെയേ ഉള്ളു എങ്കിലും ഒന്നു ചിന്തിച്ചാൽ അത് ഒരു സംഭവമാണ്. ശബ്ദം, അതിന്റെ ഉന്നത തലത്തിൽ നിൽക്കുന്ന സംഗീതം. അത് മനസ്സിനെ വിവിധ തലങ്ങളിലേക്ക് കൊണ്ടു പോകുന്നു. അതുപോലെ തന്നെ ദൃശ്യം മനുഷ്യനെ വളരെ പെട്ടെന്ന് സ്വാധീനിക്കാൻ കഴിവുള്ള ഒന്നാണ് . കണ്ട മുഖങ്ങൾ ഓർത്തെടുക്കുന്നത്, സിനിമാ രംഗങ്ങൾ മായാതെ മനസ്സിൽ കിടക്കുന്നത് ഇതിനെല്ലാം പിന്നിൽ ഈ ദൃശ്യങ്ങൾ നമ്മിലുണ്ടാക്കുന്ന impact ആണ്. വായിച്ചും കേട്ടും പഠിക്കുന്നതിനേക്കാൾ അവ പടങ്ങളായോ ചലനചിത്രങ്ങളായോ പഠിക്കുമ്പോൾ കൂടുതൽ ഓർമ്മനിൽക്കുന്നതിന്റെ കാരണവും ഇതാണ്. ഇതിനെ നമ്മൾ ദൃശ്യഭാഷ എന്നും പറയാറുണ്ട്. ഈ ദൃശ്യഭാഷ നല്ല രീതിയിൽ ഉള്ളവരും, അവ നല്ല രീതിയിൽ ഉപയോഗിക്കാൻ അറിയാവുന്നവരും ആയവർ രൂപം കൊടുക്കുന്ന ദൃശ്യ സൃഷ്ടികൾ ക്ക് അവ കാണുന്നവരിൽ വലിയ സ്വാധീനം ചലുത്താൻ കഴിയും. ചില സ്ഥലങ്ങൾ കാണാനുള്ള അഗ്രഹങ്ങൾ, ചില കഥാപാത്രങ്ങൾ, അവരുടെ സ്വഭാവരീതികൾ, സൗന്ദര്യ സങ്കൽപങ്ങൾ എല്ലാം ഇന്നത്തെ രീതിയിൽ കൊണ്ട് വന്നത് ഈ തരത്തിലുള്ള ദൃശ്യങ്ങളാണ്. ഇന്നും ഒരു വലിയ ...

A mixture of cultures, characters, families but also a bond between two distinct individuals that come together by choice to hold hands and stay together in times of happiness and hardship . Marriage's are a fest of fun , energy , love and lot of entertainment. It's also the time the stereotypes shine the brightest. These are a few such stereotypes that come out of every marriage that we all can relate to in our country. Every family calls upon the fellowship of an entire land to attend their girls wedding, spending more than what they did in the entire twenty or so years she spread her wings inside her own house. May be it's a way to tell how special a daughter is or at times it's just about "what I want to be known as in my community".   Doesn't it seem odd that suddenly in a day she has to call the grooms parents , father and mother. More awkward is the fact that these parent's judge her by the performance she delivers when in walk and ta...

വീണ്ടും പുതിയൊരു വട്ടൻ ആശയവുമായി ആണ് ഇത്തവണ. വ്യക്തികളുടെ എണ്ണം ദിവസം തോറും വർദ്ധിച്ചു കൊണ്ടിരിക്കുകയാണ്, എന്നാൽ വ്യക്തിത്വം എന്നത് വാക്കിൽ മാത്രം ഒതുങ്ങി പോകുകയാണോ എന്നൊരു സംശയത്തിൽ നിന്ന് ഇതാ....  വ്യക്തിത്വം എന്നു പറയുന്നത് ഒരു വ്യക്തിയെ മറ്റൊരുവനിൽ നിന്നും വേർത്തിരിക്കുന്ന ഒരു Uniqueness ആണ്.ഒരു വ്യക്തി അല്ലെങ്കിൽ മനുഷ്യൻ പൂർണ്ണതയിൽ എത്തുന്നത് താൻ ആരാണ്, എന്താണ്, തന്റെ ഭൂമിയിലെ ആഗമന ഉദ്ദേശ്യം എന്താണ് തുടങ്ങിയ കാര്യങ്ങളുടെ സമഗ്രമായ ഒരു ചിന്തയിലൂടെയും അതിൽ നിന്ന് ഉരുത്തിരിയുന്ന ചില ബോധ്യങ്ങളിലൂടെയുമാണ്. നിർഭാഗ്യവശാൽ ഇതിൽ ചില ചോദ്യങ്ങൾക്കെങ്കിലും ഇന്നുവരെ ആരും ഉത്തരം കണ്ടെത്തിയതായി അറിവില്ല. ലാലേട്ടൻ പറയുന്നതുപോലെ 'താനാരാണ്?' എന്ന ചോദ്യത്തിനുത്തരം കണ്ടെത്തലാണ് ഓരോ മനുഷ്യായുസ്സിന്റെയും ലക്ഷ്യം. മനുഷ്യൻ സർവ്വജ്ഞാനത്തിന്റെ കൊടുമുടി കയറുമ്പോഴും അവന്റെ ഉള്ളിൽ അവശേഷിക്കുന്ന ചോദ്യം.  ഒരാൾ ആരാണ് എന്നത് ഈ പറഞ്ഞത് പോലെ ആയിരിക്കാം. എന്നാൽ 'എന്താണ് ' എന്ന ചോദ്യം ഓരോരുത്തരും അവനവനോട് ചോദിച്ചിരിക്കണം. ആലോചിച്ച് ഉത്തരം കണ്ടെത്തിയിരിക്കണം. സ്വയം പരിശോധനയിലൂടെ കണ്ടെത്തേണ്ട ഒരുപാ...

ഇത് ഒരു ഞൊടിയിടയിലെ ചിന്തയുടെ വികാസമാണ്. അങ്ങനെ മാത്രം കണ്ടാൽ മതി. സ്വപ്നങ്ങൾക്ക് എപ്പോഴും ആകാശത്തിന്റെ ഉയരമാണ്, വിസ്തൃതിയാണ്. അതു കൊണ്ടു തന്നെ അവക്ക് അതിരുകളില്ല എന്ന് പറയാം. കലാം സർ പറയുന്നു, "ഉറങ്ങുമ്പോൾ കാണുന്നതല്ല, മറിച്ച് നിങ്ങളെ ഉറങ്ങാൻ അനുവദിക്കാത്തതാണ് സ്വപ്നം "  എന്ന് . ഒരു കാര്യം വളരെ സത്യമാണ് ഉറക്കത്തിൽ മാത്രമല്ല സ്വപ്നം കാണുന്നത്. ഓരോ നിമിഷവും സ്വപ്നങ്ങൾ മനസ്സിലേക്ക് കടന്നു വരുന്നവരും ഉണ്ട്. അതേ സമയം യാഥാർത്ഥ്യം മാത്രം മുന്നിൽ കാണുന്ന വ്യക്തികളുണ്ട്. അവർ പ്രാക്ടിക്കൽ ആണെന്ന് പറയും. ഈ ഗണത്തിൽ പെടുന്നവർ സ്വപ്നം കാണാറില്ലെ എന്ന് ചോദിച്ചാൽ എനിക്കറിയില്ല. ഞാൻ ആദ്യത്തെ വർഗ്ഗത്തിന്റെ കോർട്ടിൽ നിൽക്കുന്നു. ആദ്യത്തെ തരത്തിലുള്ള സ്വപ്നജീവികളെ ആകാശത്തിലേക്ക് സ്വപ്നങ്ങളുമായി മേയാൻ വിടുമ്പോൾ, പ്രാക്ടിക്കൽ ആയവരെ ഭൂമിയുമായി താരതമ്യം ചെയ്യാം. അവർക്ക് ഭൂമി പോലെ തന്നെ അതിരുകളുണ്ട്. ആദ്യത്തെ ഗണത്തെ പോലെ അവർക്ക് പറക്കാൻ കഴിയില്ല. ഏകാന്തതയോ ക്രിയാത്മകതയോ എല്ലാമാണ് സ്വപ്ന ജീവികളെ സൃഷ്ടിക്കുന്നതെന്നും, നിത്യജീവിതത്തിന്റെ വിരസതയും ആകുലതയുമാണ് മറ്റെ വർഗ്ഗത്തെ ഉരു...

ഇത് വായിക്കുമ്പോൾ ആരും ഇത് ബാഹ്യ അർത്ഥം മാത്രം മനസ്സിലാക്കി ഉൾക്കൊള്ളില്ല എന്ന് പ്രതീക്ഷിക്കട്ടെ.  ജീവിതം എന്നും വളരെ കൗതുകം തോന്നേണ്ട ഒന്നാണ്. ആരോ വരച്ച ഒരു പാമ്പും കോണിയിലെ കരുക്കളാണ് എല്ലാവരും. പലരും പല കോണിയിലും കയറുന്നു.പല പാമ്പിനു മുമ്പിലും പെടുന്നു. ഒന്നിലും പെടാതെ മുന്നോട്ടു പോകുന്നവർ വിരളമാണ്. ഉയർച്ചതാഴ്ചകളും പ്രതിസന്ധികളും ജീവിതത്തിന്റെ ഭാഗമാണ്. ഒരു പക്ഷെ അവയാണ് ജീവിതത്തെ ജീവിതമാക്കുന്നത്. പക്ഷെ പലരുടേയും ജീവിതങ്ങളെ പ്രതികൂലമായി ബാധിക്കുന്നത് ഭയമാണ്. നാളെയെക്കുറിച്ചുള്ള ഭയം, മറ്റു സാഹചര്യങ്ങളെയും, സമ്മർദ്ദങ്ങളെയും പറ്റിയുള്ള ആശങ്ക, അങ്ങനെ പലതും. ഭയം ഇവക്കൊന്നും പരിഹാരമാകുന്നില്ല എന്ന് മാത്രമല്ല പ്രവർത്തനക്ഷമതയിൽ കാര്യമായ രീതിയിലുള്ള കുറവ് വരുത്തുന്നു. ഏതൊരു വ്യക്തിക്കും ആദ്യം വേണ്ടത് സ്വന്തം കഴിവിലുള്ള വിശ്വാസവും, മറ്റുള്ളവരെ സ്വന്തം അഭിപ്രായങ്ങൾ അറിയിക്കാനുള്ള കഴിവുമാണ്. ഭയം കീഴ്പ്പെടുത്തും എന്ന ചിന്തയുണ്ടാവുമ്പോൾ ജീവിതത്തെ ഒരു വലിയ ക്യാൻവാസായി കാണാൻ കഴിഞ്ഞാൽ പ്രശ്നങ്ങളും ആശങ്കകളും നിസാരമായി കഴിഞ്ഞു. തെറ്റ് ചെയ്യാനൊഴിച്ച് മറ്റൊന്നിനും നമ്മൾ ഭയപ്പെടേണ്ടതി...

ഇത് മാനവ്.. മാനവ് സ്വാമി. 16302 വേണാട് എക്സ്പ്രസ്സിൽ സി.വി.ബാലകൃഷ്ണന്റെ ചെറുകഥ വായിച്ചു കൊണ്ടിരുന്ന എന്റെ ജീൻസിന്റെ സ്ക്രാച്ചിൽ വിരൽ കടത്തി ആ കൊച്ചുസ്വാമി ചോദിച്ചു. " കീറ്യ പാന്റാണിങ്ങള് ഇട്ട് ക്കണ്? പുത്യതൊന്ന് മേടിച്ചൂടെ ഇങ്ങക്ക്   ?" കൗതുകം തോന്നാതെ നിവൃത്തി ഇല്ലല്ലൊ! ശബരിമല ദർശനം കഴിഞ്ഞ് തിരിച്ച് സ്വദേശമായ മലപ്പുറത്തേക്ക് പോവുകയാണ് മാനവും അച്ഛനും അപ്പൂപ്പനും അച്ഛമ്മയും. കുസൃതിക്കാരനായ ആ കൊച്ചു പയ്യൻ ആ കംബാർട്ട്മെന്റ് മുഴുവൻ ഓടിനടന്ന് കളിച്ചു. ഇടക്ക് എന്റെ ഫോൺ കണ്ട് വേടിച്ചുപ്പോൾ ഞാൻ കരുതി എല്ലാ കൊച്ചു കുട്ടികളെയും പോലെ ഗെയിം കളിയും മറ്റുമാണ് പരിപാടി എന്ന് . പക്ഷെ യഥാർത്ഥത്തിൽ കുട്ടി സ്വാമി എന്നെ ഞെട്ടിച്ചുക്കളഞ്ഞു. മാനവ് ഫോൺ വേടിച്ചത് അതിന്റെ ഡിസ്പ്ലേയിൽ സ്വന്തം മുഖം നോക്കി കോക്രി കാണിക്കാനാണ്. അവന് ഫോൺ ഉപയോഗിക്കാൻ അറിയില്ല. കൈയ്യിലെ ജെ.സി.ബി. കൊണ്ട് അവൻ കളിച്ചു കൊണ്ടിരുന്നു. വിത്ത് വിൽക്കാൻ വന്ന മദ്ധ്യവയസ്കൻ സീറ്റിലിട്ട കവറിലെ വിത്തുകൾ നോക്കി അവൻ ഒരു തെറ്റ് പോലും വരുത്താതെ കൈപ്പയും, കുമ്പളവും, വെണ്ടയും എല്ലാം തിരിച്ചറിഞ്ഞു. അറി...